Prome plataforma nacional di pashent

Bo bos ta conta

Comparti cu nos con bo a biba e cuido di salud.

Bira miembro Comparti bo storia

Gratis, ta tuma un minuut, y bo ta haya bo carchi di miembro mesora. Bo por keda completamente anonimo.

Un señora mayor y un mucha muhe sinta huntu na un veranda cu solo, papiando

Comparti bo storia

Un par di paso cortico. Bo por skip loke bo no kier contesta — e ultimo paso solamente ta puntra ken ta conta nos.

Paso 1 / 6Cua tipo di dunado di cuido tabata envolvi?

Cua tipo di dunado di cuido tabata envolvi?

Scoge e tipo di cuido cu ta encaha miho.

Tocante nos

Prome plataforma nacional pa boga pa e derechonan y siguridad di pashent.

Yuda nos colecta e data cu ta importante — pa nos por bringa pa bo y sali na vanguardia di bo derechonan.

Nos meta ta pa scucha bo experiencia, sali na defensa y boga pa tur pashent na Aruba — door di papia cu tur e actornan importante den salud: AZV, gobierno, hospitalnan, clinicanan.

Nos ta kere cu tur pashent tin un storia personal cu tin e forsa pa haci un cambio significante den nos sistema di salud. Nos meta: empodera pashentnan, lanta consciencia riba nan derechonan, y traha pa un sistema di salud cu di berdad ta sirbi y proteha cada persona.

Nos mision

Bo experiencia ta importante. E formulario aki ta pa compronde con pashentnan ta biba den carni propio: e comunicacion, acceso, trato humano y confiansa den cuido di salud. PDA ta un organisacion pa pashentnan, pero nos no ta un comision di keho (klachtencommissie) ni un autoridad oficial cu ta investiga, sentencia of dicidi riba kehonan.

Con nos ta yuda

Nos plan pa yuda bo

Vanguardia di pashent

Sigui boga pa e derechonan di pashent cu gobierno y henter e sector di salud.

Asistencia gratis

Nos ta trahando pa brinda un asistencia basico pa bo sa bo derecho ora cu bo mester di esaki.

Campañanan

Traha alianca cu tur organisacion di pashent pa por trece nan bos padilanti.

Sosten pa comunidad

Lansa un sosten pa pashent ora cu nan bira malo y tin mester di mas yudansa.

Programa preventivo

Fortalece prevencion, pasobra preveni ta miho cu cura.

Referi na expertonan

Casonan mas serio nos lo recomenda pa expertonan pa guia e pashent.

Loke comparti bo storia ta haci posibel

Empodera e pashent

Conscientisacion

Husticia

Un miho comunidad

Sosten

Cambio positivo

Noticia

Keda na altura di loke ta cambia

Cuido di salud na Aruba ta sigui cambia, y hopi biaha ta wordo decidi sin cu pashent ta na mesa. Nos ta pone abou kico ta cambia, kico esaki ta nifica pa bo derecho, y riba kico PDA ta traha — den palabra simpel, gratis pa lesa, sin mester di un cuenta.

Lesa e noticia

Algun storia

No kier firma papel pa rijbewijs, presion tabata un tiki halto. Kier pone mi riba remedi, i mi tabata kier bahe natural no cu medicina cu hopi side effects. Mi mester a hasi mi mesun onderzoek con pa bahe. Dokter no a splicami, ela djies para dilanti mi i bisa ki remedi pa tuma. E remedi tabata tin hopi side effects

Pashent anonimo

Mi tabatin hopi dolor y nan a mandami cas cu paracetamol, bisando mi cu ta parse djis un ontsteking...pa mi check bek dialuna. Si no ta pa e dokter cu mi conoce a mandami eerste hulp, nan no a wak cu ta appendix mi tin.

Sra. pashent cu kier keda anonimo

Mi kier cambia di dokter, pero cada bes mi yama cada dokter di cas ta yen. Mi ta na HOED pero mi no tin dokter fiho. Awo mi no sa kico ta bay pasa cu mi si mi bira malo.

Sra. Pashent (anonimo)