Bo bos ta importante
Comparti bo storia personal anonimamente
Yuda nos haci un cambio den combersacion cu sector di salud y gobierno den e Kwaliteitsraad. Con? Door di comparti bo experiencia cu cuido, vooral si ta negligencia of malpractica. Yuda nos mehora e siguridad di pashent y comparti bo storia completamente anonimo. Bo por pone bo email solamente si bo ta desea pa nos contact bo persona.
Nos mision
"Nos ta kere cu tur pashent tin un storia personal cu tin e forsa pa haci un cambio significante den nos sistema di salud. Nos meta ta pa empodera pashentnan, lanta conciencia riba nan derechonan, y traha pa un sistema di salud cu di berdad ta sirbi y proteha cada persona."
Nos planes
Vanguardia di pashent
Sigui boga pa e derechonan di pashent den e Kwaliteitsraad, e conseho nacional pa e maneho di calidad di cuido di salud.
Asistencia gratis
Nos ta trahando pa brinda un asistencia basico pa bo sa bo derecho ora cu bo mester di esaki
Campañanan
Nos ta traha den background pa sera aliansa cu tur organisacion di pashent y gruponan di pashent pa por trece nan bos padilanti.
Sosten pa comunidad
Nos lo sigui traha pa por lanza un sosten pa pashent ora cu nan bira malo y tin mester di mas yudansa pa haya e cuido cu nan tin mester di berdad y na e ora cu nan tin mester di esaki.
Programa preventivo
Pashent ta tambe tur hende cu potencialmente por bira malo. Nos lo traha pa sigui cu e derechonan pa fortalece prevencion, pasobra preveni ta miho cu cura.
Referi na expertonan
Casonan mas serio nos lo recomenda pa expertonan pa asina e pashent por wordo guia unda pa entrega un keho of cuminsa un caso, depende di e seriedad di su caso y su preferencianan personal.
Beneficionan di comparti bo storia
Empodera e pashent
Concientisacion
Husticia
Un miho comunidad
Sosten
Cambio positivo
Algun storia
Mi tabatin hopi dolor y nan a mandami cas cu paracetamol, bisando mi cu ta parse djis un ontsteking...pa mi check bek dialuna. Si no ta pa e dokter cu mi conoce a mandami eerste hulp, nan no a wak cu ta appendix mi tin. Nan a logra operami na ora..
Sra. pashent cu kier keda anonimo
Mi kier cambia di dokter, pero cada bes mi yama cada dokter di cas ta yen. Mi ta na HOED pero mi no tin dokter fiho. Awo mi no sa kico ta bai pasa cu mi si mi bira malo
Sra. Pashent (anonimo)
Cada bes mi yama dokter di cas e asisten ta puntrami kico mi tin, mi no kier papia cu ne. Mi kier papia cu dokter, y e no kier nami cita tampoco! Mi a bise mi ta bai entrega un keho y ela cera telefon den mi orea!
Pashent anonimo (nomber.y fam conoci pa nos reaccion)
Contact nos?
